ஊடக பயங்கரவாதம்
இன்றைய சூழலில் ஊடகவியலாளர்களுக்கு “எதை வேண்டுமானாலும் கேட்கலாம், யாரை வேண்டுமானாலும் அவமானப்படுத்தலாம்” என்ற அபத்தமான நிலையே உருவாகியுள்ளது. அதனை அரசியல் ரீதியாக ஆதரிப்பதும், கண்டிப்பதும் போன்ற இரு முனைப்புகளும் நிலவுகின்றன. ஆனால் அறங்கெட்ட ஊடகத்தின்மீது யார் எதிர்த்து குரல் கொடுக்கிறார்கள்? தவறான தகவல்கள், நேர்மையற்ற கேள்விகள், நாகரிகமற்ற அணுகுமுறைகள், மனித சமத்துவத்திற்கு சமூக நீதிக்கு தமிழினை விடுதலைக்கு போராடுகின்ற ஆளுமைகள் மீது அவதூறுகள் பரப்புவதை கண்டிப்பதற்கு சமூகத்திலோ, அரசியலிலோ எந்தத் தடையும் எதிர்ப்பும் கண்டிப்பும் இல்லை. குறிப்பாக சேரிமக்கள் மீதும், அவர்களின் அரசியல் மீதும், அவர்களுக்காக போராடும் தலைவர்கள்மீதும்கூட தினந்தோறும் திட்டமிட்ட பரப்புரையாக வன்மமும் அவதூறும் செலுத்தப்படுகிறது. அநியாய ஊடகத்தை எதிர்கொள்வது – அவசியமான காலத்தின் கோரிக்கை சாதி ஆதிக்கம் கொண்ட ஊடக அமைப்புகளுக்கு மாற்றாக சமூக நீதிக்காக,ஜனநாயகத்திற்காக போராடுபவர்கள் மற்றும் சேரிமக்கள் தங்கள் சொந்த இதழ்களை, நாளேடுகளை, டிஜிட்டல் மீடியாக்களை உருவாக்க வேண்டும். அனைவரும் தகவல் துறையில் தங்...
