Mu.Arivudainambi

உடலால் நம்மிடையே இல்லாவிட்டாலும், சிந்தனையாலும் செயலாலும் என்றும் உயிருடன் இருப்பவர் பகுஜன் சமாஜ் கட்சியின் தமிழ்நாட்டின் முன்னாள் தலைவர், வழக்கறிஞர், #அண்ணன் #ஆம்ஸ்ட்ராங்  இன்று அவரது பிறந்தநாள். மரணம் அவரது உடலை மட்டுமே எடுத்துச் சென்றது, சாதி ஒழிப்பு, சமூக நீதி, சுயமரியாதை, மனித நேயம், துணிச்சல், ஒடுக்கப்பட்ட மக்களின் அரசியல் குரல்- இவையனைத்தையும் அது எடுக்க முடியவில்லை. 17 வயதில் இருந்து அண்ணன் #எழுச்சித்தமிழர் அவர்களின் தலைமையை ஏற்று  விடுதலைச் சிறுத்தைகளின் போராட்ட களத்தில் நின்று கொண்டிருக்கும் என்னை அண்ணன் ஆம்ஸ்ட்ராங் அவர்களுக்கு தெரிந்தது, அவரை நான் நேரில் கூட பார்த்ததில்லை இருப்பினும் என் மீது  காவல்துறையும் அரசும் தொடுக்கும் அடக்குமுறை அறிந்து, நான் படித்த படிப்பிற்கான தொழிலை செய்ய விடாமல் தடுத்ததை செய்வதற்காக, பல ஆண்டுகளாக நீடித்த அரச பயங்கரவாதப் பிரச்சினையில், தலையிட்டு என்னை கட்சி அடையாளங்களால் அளவிடாமல், கோட்பாட்டு வழியில் மனிதநேயத்தால் அணுகி “ஏன் இவ்வளவு நாட்களாக சொல்லவில்லை?” என்று அன்போடு கேட்டு, என்னை வழக்கறிஞராக அடையாளப்படுத்தியது அண்ணன் #ஆம்ஸ்ட்ராங் அ...

ஒரு சமூகத்தை வழிநடத்த விரும்புகிறவன், முதலில் தன்னைத்தானே வழிநடத்தக் கற்றிருக்க வேண்டும்.  தன் வாழ்க்கையில் ஒழுக்கம் இல்லாதவன், பிறருக்கு வழிகாட்ட முயல்வது ஒரு அடிப்படை முரண்பாடு. இதனால்தான்  “தன்னைத்தானே வழிநடத்த அறிந்தவனே அடுத்தவருக்கு வழிகாட்டத் தகுதியானவன்” என்ற சிந்தனை, வெறும் நெறிப்போதனை அல்ல, அது சமூக முன்னேற்றத்திற்கான அடித்தளம். இன்றைய காலத்தில் வழிநடத்தல் என்றால் அதிகாரம், பதவி, மேடை என்று நினைப்பது வழக்கமாகிவிட்டது. ஆனால் உண்மையில் வழிநடத்தல் என்பது கட்டளை இடுவது அல்ல,  வாழ்க்கையின் வழியாக பாதை அமைத்துக் காட்டுவதே. ஒருவர் சொல்வதை விட, அவர் வாழும் முறைதான் பிறரின் மனங்களில் ஆழமான தாக்கத்தை ஏற்படுத்துகிறது. தன்னைத்தானே வழிநடத்துதல் என்பது வெளியில் இருந்து விதிக்கப்படும் கட்டுப்பாடு அல்ல. அது மனிதன் தன் மனதோடு நடத்தும் நேர்மையான உரையாடல். “நான் செய்வது நியாயமா?”, “என் சொற்களுக்கும் செயல்களுக்கும் இடையே நேர்மை இருக்கிறதா?”, “எனக்கு கிடைத்த அதிகாரம் பிறரை பாதிக்கிறதா?” போன்ற கேள்விகளைத் தன்னிடம் தொடர்ந்து கேட்கும் துணிவே சுய வழிநடத்தலின் தொடக்கம். சுய வி...

நம்மை நம்பி நம்முடன் பழகும் நல்ல தோழமைகளை ஏமாற்றுவது, அவமானப்படுத்துவது மிகவும் கேவலமான செயல். வறுமை இருக்கிறது என்பதற்காக பொய் சொல்லி, ஏமாற்றி, அதன் வழியாக வாழ்வது என்ன வகையான வாழ்க்கை என்பதே புரியவில்லை. உழைத்துதான் வாழ வழி தேட வேண்டும். பிறரை ஏமாற்றி வாழ வழி தேடக்கூடாது. ஏமாற்றுவதே வாழ்க்கை என்ற எண்ணத்தை ஒருபோதும் ஏற்றுக்கொள்ளக் கூடாது. திருந்துவதற்கு முயற்சி செய்ய வேண்டும். இப்படிப் பல நேரங்களில் நான் பிறரை நோக்கி பேசும் போது, ஒரு கேள்வி என்னுள் எழுகிறது. எனக்கே ஒரு பிள்ளை பிறந்து, அல்லது என்னுடன் வளர்ந்து, அல்லது என் உறவிலேயே ஒருவன் இப்படிப் பிறரை ஏமாற்றினால் எனக்கு எப்படி இருக்கும்? யாருடைய குடும்பத்திலும், யாருடைய நட்பிலும், யாருடைய சமூகத்திலும் நம்பிக்கைத் துரோகிகள் ஏமாற்றுக்காரர்கள் இல்லாத ஒரு நிலையை உருவாக்க நாம் அனைவரும் சேர்ந்து ஒரு நல்ல கலாச்சாரத்தை கட்டமைக்க வேண்டும். இந்தப் பதிவு ஏன் என்றால்— உழைத்து வாழும் ஒரு தம்பியுடன் நன்றாக பழகி, அவனது நம்பிக்கையை மோசடி செய்து ஏமாற்றிய ஒருவரைப் பற்றிய அந்த ஏமாந்த தம்பியின் கதையை கேட்டேன். மனது வலித்தது. அந்த வலியிலிருந்தே இந்தப் பதி...

சிங்கள பேரினவாத இலங்கை அரசு, தமிழீழத்தில் வாழும் தமிழர்களுக்கு எதிராக திட்டமிட்ட முறையில் இனப்படுகொலை நடத்திக் கொண்டிருந்த காலகட்டம், தமிழ் இன வரலாற்றில் மறக்க முடியாத ஒரு இருண்ட அத்தியாயமாகும். ஆயிரக்கணக்கான தமிழர்கள் கொல்லப்பட்டு, இலட்சக்கணக்கான மக்கள் அகதிகளாக்கப்பட்ட அந்தச் சூழலில், உலக நாடுகள் பெரும்பாலும் மௌனமாகவே இருந்தன. மனித உரிமைகள், ஜனநாயகம், சர்வதேச நீதி ஆகியவை பேசப்பட்டபோதும், தமிழீழ மக்களின் வேதனைக்கு உரிய அரசியல் அழுத்தம் உருவாகவில்லை. அத்தகைய சூழ்நிலையில், தமிழ் ஈழ மக்கள்மீது நடைபெறும் போரை உடனடியாக நிறுத்த வலியுறுத்தி, டாக்டர் எழுச்சித்தமிழர் தொல்.திருமாவளவன் அவர்கள், தன் உயிரைத் துச்சமாகக் கருதி, சாகும் வரை உண்ணாநோன்பு அறப்போராட்டத்தை மேற்கொண்டார். இது ஒரு கட்சி அரசியல் போராட்டமாக அல்ல ஒடுக்கப்பட்ட ஒரு இனத்தின் உரிமைக்காக எழுந்த நீதியின் குரலாகவே தமிழ்ச் சமூகத்தால் புரிந்து கொள்ளப்பட்டது. இந்த அறப்போராட்டம், தமிழ்நாட்டின் எல்லைகளைத் தாண்டி உலகம் முழுவதும் வாழும் தமிழர்களை ஒருங்கிணைத்த ஒரு மாபெரும் எழுச்சியாக மாறியது. பல்வேறு நாடுகளில் வாழும் தமிழர்கள், தங்கள் வாழும் ந...

தேவையில்லாத கவனச் சிதறல், திட்டமிட்ட திசைதிருப்பல் அரசியலில் உங்கள் ஆற்றலையும் நேரத்தையும் வீணாக்க வேண்டாம். #நமக்கான_அரசியலை_மட்டுமே #பேசுங்கள். சீமான் எதிர்ப்பு, ஆளுநர் எதிர்ப்பு போன்ற விவாதங்களில் சிக்கி, வேங்கை வயல் போன்ற தலித் மக்களின் அடிப்படை பிரச்சினைகள் மடைமாற்றப்படுவதை நிறுத்துங்கள். மாற்றுக் கருத்து பேசுபவர்களை, நமக்கான பிரச்சினைகளை அழுத்தமாக முன்வைப்பவர்களை “துரோகி” என முத்திரை குத்தாதீர்கள். அவர்கள் பேசட்டும். திராவிட இயக்கங்களை விடவும், நமக்கான அரசியலை அவர்கள் பேசுவார்கள் என்றால், அவர்கள் எவ்வளவோ மேலானவர்கள் – இதை உணருங்கள். மக்களின் உண்மையான அடிப்படை பிரச்சினைகள் மேலெழும்ப விடாமல், மக்களை குழப்பி, ஏமாற்றி, சிந்திக்க விடாமல் #செயற்கையாக_போலியான #பிரச்சினைகள் #உருவாக்கப்படுகின்றன. ஊடகங்களின் மூலம் அவை வலுக்கட்டாயமாக மக்களிடம் திணிக்கப்படுகின்றன. இதன் நோக்கம் – #மக்களுக்கான #அரசியலை_மறக்கடிப்பதே. திராவிட அரசியல் முற்போக்கானது போல தோற்றம் தருகிறது. நாம் தமிழர் கட்சியின் தமிழ் தேசிய, தமிழீழ ஆதரவு அரசியல் தமிழர் நலனுக்காக தீவிரமாக செயல்படுவது போல தோன்றுகிறது. ஆனால்...

ஆதிதிராவிடர்களுக்கு  8% – பிராமணர்களுக்கு 16% சமூக நீதியின் பெயரில் நடந்த திட்டமிட்ட அரசியல் மோசடி தமிழ்நாட்டின் அரசியல் வரலாற்றில் “சமூக நீதி”, “இடஒதுக்கீடு” என்ற சொல்லாடல்களுடன் நீதிக்கட்சி ஒரு முன்னோடி இயக்கமாகப் போற்றப்படுகிறது. ஆனால் அந்த வரலாற்றை உண்மைகளுடன் கூர்ந்து ஆராய்ந்தால், நீதிக்கட்சியின் ஆட்சி காலம் பட்டியல் இன மக்களுக்கு விடுதலையை அல்ல, திட்டமிட்ட புறக்கணிப்பையும் துரோகத்தையும் தான் வழங்கியது என்பது தெளிவாகிறது. மாண்டெகு – செம்ஸ்போர்டு சீர்திருத்தங்களுக்குப் பிறகு நடைபெற்ற 1920 மாகாண சட்டமன்றத் தேர்தலில் நீதி கட்சி Justice Party ஆட்சியைப் பிடித்தது. 1920 டிசம்பர் 17 அன்று (A. Subbarayalu Reddiyar ) சுப்பராயலு ரெட்டியார் தலைமையில் அமைந்த அந்த அரசு, பின்னர் Panagal Raja தலைமையில் தொடர்ந்தது. இந்த காலகட்டத்தில் நீதிக்கட்சி முன்வைத்த பிரதான அரசியல் முழக்கம் “பார்ப்பனரல்லாதாருக்கான பிரதிநிதித்துவம்” என்பதாகும்.  ஆனால், இந்த முழக்கம் பட்டியல் இன மக்களுக்கான சமூக நீதியை மையமாகக் கொண்டதல்ல, மாறாக, அதிகாரத்தை மறுவினியோகம் செய்வதற்கான உயர்சாதி–இடைச்சாதி அரசியல...

இன்று தலித் சமூகம் எதிரிகளை அடையாளம் காண முடியாத அளவிற்கு திட்டமிட்டு குழப்பப்பட்டிருக்கிறது. எதிரிகளுடன் வாழ்கிறோம், அவர்களோடு வேலை செய்கிறோம், அவர்களிடமிருந்து உதவிகள் பெறுகிறோம், அதனால் அவர்களையே நண்பர்களாக நம்புகிறோம். ஆனால் அவர்கள் நடத்தும் அரசியல், சமூக, கலாச்சார செயல்பாடுகள் முழுவதும் தலித் விடுதலைக்கு எதிரானவை என்பதைக் கவனிக்க மறுக்கிறோம். எதிரிகள் தங்கள் நலனுக்காக உருவாக்கிய ஒழுக்கம், நேர்மை, பணிவு, கலாச்சாரம், பழக்கவழக்கங்கள்     இவை அனைத்தையும் “அறம்” என்று நம்பச் செய்து, அந்த அறத்தின் பெயரிலேயே தலித்துகளை அடிமைகளாக வைத்திருக்கிறார்கள். இந்த அடிமைத்தனம் வன்முறையால் இல்லை; நன்றி, விசுவாசம், மரியாதை, நல்லொழுக்கம் போன்ற சொற்களின் மூலமாக மனதுக்குள் ஊட்டப்பட்ட அடிமைத்தனம். ஒருவர் தேநீர் வாங்கிக் கொடுத்தால், ஒருவர் ஒரு நாள் உதவி செய்தால், ஒருவர் தேர்தல் செலவுக்கு பணம் கொடுத்தால், அந்த நொடியில் அவரின் அரசியல், அவரின் சாதி நலன், அவரின் சுரண்டல் வரலாறு     அனைத்தும் மறக்கப்படுகிறது. “அவர் நல்லவர்” என்ற ஒரே வரியில் எல்லா குற்றங்களும் கழுவி விடப...

மாற்றுக் கருத்து இல்லாமல் பார்த்துக் கொள்கின்ற அரசியல் ஜனநாயகம் அல்ல. அது அதிகாரத்தை பாதுகாக்க உருவாக்கப்பட்ட பாசிச அரசியல். ஜனநாயகம் என்பது ஒற்றைக் குரல் அல்ல அது மோதும் குரல்கள், மாறுபடும் கருத்துகள், இடையறாத கேள்விகள் கொண்ட உயிருள்ள அமைப்பு. அந்த உயிரை பறிக்கும் முயற்சியே இன்று அரசியல் என்கிற பெயரில் நடைபெறுகிறது. எது சரி, எது தவறு என்று விவாதிப்பதே ஜனநாயகத்தின் அடிப்படை. அந்த விவாதம் தடுக்கப்படும் தருணத்தில், மக்கள் குடிமக்களாக இருந்து அடிமைகளாக மாற்றப்படுகிறார்கள். “கேள்வி கேட்காதே” என்று சொல்லும் அரசியல், உண்மையில் “எங்களை எதிர்க்காதே” என்று மிரட்டுகிறது. “எது குறித்தும் பேசக்கூடாது, எது குறித்தும் விவாதிக்கக்கூடாது, அனைத்தும் புனிதம், அனைத்தும் மாற்றமற்றது” என்று போதிக்கும் சிந்தனையே சனாதனம். சனாதனம் என்பது மதம் அல்ல; அது சமூகத்தை உறைய வைக்கும் அரசியல் தத்துவம். அது சமத்துவத்தை மறுக்கும்; மாற்றத்தை தடுக்கிறது; அதிகாரத்தை நிரந்தரமாக்க முயல்கிறது. இந்த சனாதனச் சிந்தனையை அரசியல் பாதுகாப்பு வளையத்துக்குள் கொண்டு வந்து, அதனை விமர்சிப்பதே குற்றமாக்கப்படும் தருணத்தில்தான் பாசிசம் முழும...

பண்பாட்டை மட்டும்  குறிவைக்கும் அரசியல்…  பண்பாட்டு காரணிகளை மட்டும் குற்றம் சாட்டி, அவற்றை எதிர்த்து ஒழித்துவிட்டால் சமத்துவம் தானாக நிலைநிறுத்தப்படும் என்ற அரசியல் நம்பிக்கை, உண்மையில் அதிகாரத்தைத் தொட அஞ்சும் ஒரு வசதியான அரசியலே. இது சமத்துவத்தின் அரசியலை அல்ல, சமத்துவத்தின் பெயரில் நடக்கும் ஒரு தப்பித்தல் அரசியலை பிரதிநிதித்துவப்படுத்துகிறது. சாதி, தீண்டாமை, ஒடுக்குமுறை ஆகியவை பண்பாட்டில் வெளிப்படுகின்றன என்பதில் மாற்றுக் கருத்தில்லை. ஆனால் அவை உருவாகியதும், தொடர்வதும், பாதுகாக்கப்படுவதும் அரசியல் அதிகாரத்தின் மூலம் மற்றும் பொருளாதார வளங்களின் சமமற்ற பகிர்வின் மூலம் என்பதே மறுக்க முடியாத உண்மை. இந்த அடிப்படை உண்மையை மறைத்து, பண்பாட்டையே முழு குற்றவாளியாக நிறுத்தும் அரசியல், ஆதிக்க அமைப்புகளுக்கு ஒரு பாதுகாப்புக் கவசமாகவே செயல்படுகிறது. பண்பாட்டை விமர்சிப்பது, பல நேரங்களில் அதிகாரத்தைத் தொடாத அரசியலாகவே முடிகிறது. அது நில உரிமையைப் பற்றி பேசுவதில்லை, வேலைவாய்ப்பில் உள்ள பாகுபாட்டை உடைப்பதில்லை, கல்வி, நிர்வாகம், நீதித்துறை ஆகிய இடங்களில் உள்ள கட்டமைப்பு அநீதிகளைச் சவால் செய...

#மதச்சார்பின்மை_முழக்கம் – சாதி ஒழிப்பில் தொடரும் அரசியல் மௌனம் இந்திய அரசியலில் சில வார்த்தைகள் மிக அதிகமாகப் பயன்படுத்தப்படுகின்றன.  “மதச்சார்பின்மை”, “சமூகநீதி”, “ஒற்றுமை”, “சமத்துவம்” போன்ற சொற்கள் மேடையிலிருந்து மேடைக்கு பயணிக்கின்றன. ஆனால் இந்த வார்த்தைகள் நடைமுறை அரசியலாக மாறும் தருணத்தில், ஒரு ஆழமான முரண்பாடு வெளிப்படுகிறது. மதச்சார்பின்மையை வலியுறுத்தும் பல கட்சிகள், சாதி ஒழிப்பு குறித்து பேசுவதில்லை; சமூகநீதி என்று முழங்கும் கட்சிகள், SC/ST மக்களின் அடிப்படை உரிமைகளை நடைமுறைப்படுத்துவதில் தோல்வியடைகின்றன. SC / ST இடஒதுக்கீடு என்பது அரசியலமைப்புச் சட்டம் வழங்கிய தார்மீகமும் சட்டபூர்வமும் ஆன உரிமை. அது எவரின் கருணையாலும் கிடைத்த சலுகை அல்ல. இருந்தும், இவ்விடஒதுக்கீடு நடைமுறைப்படுத்தப்படும் விதம், சமூகநீதி அரசியலின் உண்மை முகத்தை வெளிப்படுத்துகிறது. காலிப்பணியிடங்கள் நிரப்பப்படாமல் விடப்படுவது, விதிமுறைகள் தளர்த்தப்படுவது, கண்காணிப்பு அமைப்புகள் செயலிழக்கச் செய்யப்படுவது, இவையும் சமூகநீதி பேசும் அரசியல் தலைமைகளின் காலத்தில்தான் தொடர்ந்து நடைபெறுகின்றன. இதற்கும் ...

தலித்துகளை எதிர்த்து அழிக்க  தலித்துகளை பயன்படுத்தும் ஆபத்தான அரசியல் சாதியம் இன்று பழைய வடிவில் இல்லை. அது நவீனமாகி, நூதனமான உத்திகளுடன் வன்கொடுமையை நடைமுறைப்படுத்தி வருகிறது. முன்னர், சாதி படுகொலைகளை சாதி வெறியர்கள் நேரடியாக செய்தனர். இன்றோ, அந்தக் கொலைகளைச் செய்ய தலித்துகளிலிருந்தே துரோகிகளைத் தேர்ந்தெடுத்து, அவர்களை கூலிப்படையாக மாற்றி, தலித்துகளை தலித்துகளாலேயே கொல்லும் நிலை திட்டமிட்டு உருவாக்கப்பட்டுள்ளது. இது தற்செயலானது அல்ல. இது ஒரு திட்டமிட்ட சமூக–அரசியல் சதி. கூலிப்படையாக மாற்றப்படும் தலித்துகள் இன்றைய சாதி வெறியாட்டம் என்பது, சாதி வெறியர்களால் ஆட்டுவிக்கப்படும் தலித்துகளைக் கொண்டு நடத்தப்படும் ஒன்றாக மாறியுள்ளது. அரசியல், சமூக இயக்கங்கள், பொருளாதாரம், குற்றவியல், ஊடகம் உள்ளிட்ட எல்லா தளங்களிலும் இந்த உத்தி செயல்படுத்தப்படுகிறது. இதன் மூலம், சாதி வெறியர்கள் தங்களை மறைத்துக் கொள்கிறார்கள் தலித்துகளுக்குள் சந்தேகமும் பிளவும்தான் வளர்க்கப்படுகிறது ஒற்றுமை உடைக்கப்படுகிறது எதிர்ப்பு அரசியல் சிதைக்கப்படுகிறது விழிப்பே ஒரே பாதுகாப்பு இத்தகைய சமூகத் துரோகிகளிடம் இர...

நான் சொல்வதுதான் சரி, நான் சொல்வதுதான் தீர்வு என்று உறுதியாக கூற முடியாது என்பதே என் அடிப்படை நிலைப்பாடு. ஒவ்வொரு தனி மனிதனுக்கும் தனித்தனி சிந்தனை, தனித்தனி அனுபவம், தனித்தனி பார்வை இருக்கிறது. அதே ஒரு சமூகப் பிரச்சினையை, ஒவ்வொருவரும் தங்கள் அறிவுக்கு எட்டியவரை, தங்கள் அனுபவத்தின் அடிப்படையில், பல்வேறு நோக்கங்களிலும் உத்திகளிலும் அணுகி, தீர்வுகளை முன்வைப்பது இயல்பானது. இது ஒரு புரிதலுக்காக மட்டுமே. #மாற்றுக்_கருத்து_குற்றமல்ல ஒரு விஷயத்தில் மாற்றுக் கருத்தை முன்வைப்பதற்காக, மாற்றுப் பார்வை இருப்பதற்காக, ஒருவர் மீது பொய்யான குற்றச்சாட்டுகள் வைப்பதும், வீண் பழி சுமத்துவதும், துரோகி என்ற பட்டம் கட்டுவதும், தனிமைப்படுத்த முயற்சிப்பதும், அவதூறுகளை பரப்புவதும்     மிகப்பெரிய அயோக்கியத்தனமான_செயல் என்பதே_என்_புரிதல் . நான் சொல்வதுதான் சரி என்றும் அதை மற்றவர்களுக்கு அழுத்தமாகத் திணிப்பதுமில்லை. சமூக விவாதங்களில் தனிப்பட்ட நிலை ஒரு விஷயத்தை ஆதரித்து பெரும் போராட்டம் நடக்கிறது என்பதற்காக மட்டும் அதை ஏற்றுக்கொள்ள வேண்டிய கட்டாயம் யாருக்கும...

பிற்போக்கான பண்பாட்டு பழக்கவழக்கங்கள், மூடநம்பிக்கையால் ஊட்டப்பட்ட அறிவியல் அற்ற மதநம்பிக்கைகள், புராணங்கள், கற்பனைக் கதைகள்— இவைகளில் மூழ்கி சனாதனச் சிந்தனையில் திளைத்து வாழும் சமூக அமைப்பில், வாழ்வாதாரத்திற்காக மனப்பாடக் கல்வி பயின்று, நல்ல வேலைக்காகப் போட்டித் தேர்வுகள் எழுதித் தேர்ச்சி பெற்று அதிகாரியாக உருவாகியிருப்பவனும், ஆய்வுப் பட்டங்கள் பெற்றிருப்பவனும், அறிவியல்–மருத்துவம்–தொழில்நுட்பம்–விஞ்ஞானம் ஆகியவற்றை மனப்பாட முறையில் கற்றிருப்பவனும் நாட்டின் உண்மையான முன்னேற்றத்திற்கு ஒன்றுக்கும் உதவாதவன் தான். இவர்களால் அதிகபட்சமாக வரி வசூல் செய்து அரசையும் அரசாங்கத்தையும் நடத்த முடியும் ஆனால் இந்த நாட்டை எந்தத் துறையிலும் முன்னேற்ற முடியாது. மனிதனை மனிதன் எனப் பார்க்காத சிந்தனை இந்த அறிவுக் கெட்ட கூட்டம் தான்— “நான் நெருப்பில் இருந்து பிறந்தேன்” என்கிறது, “தலையில் இருந்து பிறந்தவன்” என்று நம்புகிறது, “மார்பில் இருந்து வந்தவன்” என்று பீற்றிக்கொள்கிறது, “கால் பாதத்தில் இருந்து பிறந்தவன்” என்று மனிதனை இழிவுபடுத்துகிறது. மனிதனுக்கு மனிதன் வேறுபாடு பார்க்கும் இத்தகைய பண்பாட்டு பழக்கவழக்கங்...

ஒருவரின் முகநூல் பதிவைப் பார்த்தபோது மாபெரும் அதிர்ச்சியடைந்தேன். #தமிழர்_திருநாள்_பொங்கல் #வாழ்த்துக்கள்” என்று சொல்ல வேண்டிய இடத்தில், #திராவிட_திருநாள்”, #திராவிட #பொங்கல்_வாழ்த்துக்கள்” என்று பதிவு செய்திருந்தார். இன்னும் என்னென்னத்தை களவாடப் போகிறார்கள் என்பது தெரியவில்லை. ஆனால் இது மிகப் பெரிய ஆபத்து என்பதைக் கண்டிப்பாக உணர முடிகிறது. உங்களுக்கு இது எப்படித் தோன்றுகிறது என்பது தெரியாது ஆனால் எனக்கு இது சாதாரண தவறாக இல்லை— இன அழிப்பு , அடையாள அழிப்பு முயற்சியாகவே தெரிகிறது. இனம் வேறு, அமைப்பு வேறு ஒரு அமைப்பிற்கான, இயக்கத்திற்கான ,கட்சிக்கான பெயரை ஒரு இனத்தின் பெயராக மாற்றிப் பேசுவது அடிப்படையிலேயே தவறானது. ஒவ்வொருவரும் தங்கள் கட்சிக்கு, இயக்கத்திற்கு, கழகத்திற்கு விரும்பிய பெயரை வைத்துக்கொள்ளலாம். அதில் எந்தத் தடையும் இல்லை. ஆனால்,  அந்தப் பெயரையே ஒரு இனத்தின் பெயராக மாற்றுவது பல ஆயிரம் ஆண்டுகளான வரலாற்று அடையாளத்தை மாற்ற முயல்வது  தமிழ் என்கிற இனப் பெயரை மங்கச் செய்வது இவை அனைத்தும் மிகக் கொடுமையான செயல். “தமிழ்” என்பது ஒரு கட்சி பெயர் அல்ல ஒரு இயக்கப் பெயர் அல்ல ஒரு தே...

இந்த உலகத்தையே தீர்மானிப்பவர்கள், உலகத்தை ஆளுபவர்கள் மற்றும் இந்தியாவின் ஆளும் வர்க்கத்தினர்கள் தான் தமிழர்களுக்கு பெரும் விரோதிகளாக இருக்கின்றனர்,   தமிழர்களுக்கென்று இந்த பூமி பந்தில் சொந்த நாடு இருக்கக் கூடாது என்பதற்காக  இருநூறு ஆண்டுகளுக்கு மேலாக இவர்கள் சதி செய்து வருகிறார்கள் என்பதுதான் வரலாற்று உண்மை. ஆங்கிலேயர்கள் நினைத்திருந்தால் தமிழர்களுக்கு என்று ஒர் தனி சுதந்திர நாட்டை கொடுத்திருக்கலாம். ஆனால், கொடுக்காமல் வரலாற்று அடிப்படையில் பல சதிகளை செய்திருக்கிறார்கள். இந்த உலகத்தில் எப்போதுமே தமிழர்களுக்கு என்று ஒரு நாடு இருக்கக் கூடாது என்பதுதான் பிற இனத்தவர்களில் எல்லா காலங்களிலுமான பெரும் செயல் திட்டம்.  இந்த நவீன நாகரீக உலகில் ஒரு இனத்தை அழிப்பதற்காக, ஒரு இனத்தின் வரலாற்றை, அடையாளத்தை,மொழியை கலாச்சாரத்தை, பண்பாட்டை அழித்து கொண்டிருக்கிறார்கள். ஆகவே இத்தகைய உளவியல் வன்முறையை மறைமுகமாக  தமிழ் இனத்தின் மீது வல்லரசு நாடுகளும், இந்தியாவில் உள்ள பிற இனத்தின் ஆளும் வர்க்கங்களும் மறைமுக போர் தொடுத்துக் கொண்டிருக்கிறார்கள் என்பதனை நாம் எப்போது அறியப் ...

எனது அன்பிற்கினிய தோழர்களுக்கு… டாக்டர் எழுச்சித் தமிழர் அவர்கள் என்னை கடலூர் வடக்கு மாவட்ட செயலாளராக அறிவித்த நாள் முதல் நேற்று வரை, என்னோடு தோள் கொடுத்து நின்று கட்சிப் பணிகளை ஆற்றிய அத்தனை தோழர்களுக்கும் என் நெஞ்சார்ந்த நன்றியைத் தெரிவித்துக் கொள்கிறேன். என் வாழ்நாள் முழுவதும் உங்கள் பேரன்பையும், நீங்கள் செய்த அளவில்லா உழைப்பையும் நான் ஒருபோதும் மறக்க மாட்டேன். எப்போதும் உங்களுக்கு நன்றியுடன் இருப்பேன். உங்களோடு இருப்பேன். உங்களுக்காக இருப்பேன். என்னை நம்பி, சாதி சக்திகள், அரச பயங்கரவாதிகள், துரோகிகள், எதிரிகள், காழ்ப்புணர்ச்சியாளர்கள், பொறாமையால் போட்டியாகச் செயல்பட்டவர்கள், அவதூறு சக்திகள் என அனைத்தையும் எதிர்கொண்டு, பல இன்னல்களைத் தாண்டி, பெரும் பொருளாதார நெருக்கடிகளுக்கிடையிலும் — #குழு_அரசியல், #அவதூறு_போட்டி_அரசியல் அனைத்தையும் தைரியமாக எதிர்த்து, கட்சியின் வேலைத் திட்டங்களை செய்து முடித்தீர்கள். கட்சியின் அனைத்து நடவடிக்கைகளையும் முன்னெடுத்து நிறைவேற்றினீர்கள். மாவட்ட செயற்குழுவில் நிறைவேற்றப்பட்ட அத்தனை தீர்மானங்களையும் செயல்படுத்திக் கொடுத்தீர்கள். ஆனால், ஒன்றே ஒன்றை மட்டும...

நான் நல்லவன்” என்று நிரூபிக்க முயன்று தோற்ற பிறகும் ஒருவரை விரும்புவது – ஏன் அது ஆபத்தான உளவியல் நிலை? மனித வாழ்க்கையில் எல்லா வலிகளும் புறத்திலிருந்து வருவதில்லை. பல வலிகள் நாம் நம்மீது செலுத்தும் வன்முறையிலிருந்தே தொடங்குகின்றன. “நான் நல்லவன்” என்று நிரூபிக்க முயன்று, அந்த முயற்சி தோல்வியடைந்த பிறகும் ஒருவரை விரும்பிக் கொண்டே இருப்பது அன்பின் உச்சம் அல்ல. அது சுயமரியாதை மெதுவாக கரையத் தொடங்கும் தருணம். ஒரு ஆரோக்கியமான உறவில் நீ நல்லவன் என்று நிரூபிக்க வேண்டியதில்லை உன் நோக்கம், உன் உணர்வு, உன் மனிதத்தன்மை இயல்பாகவே ஏற்றுக்கொள்ளப்படும் ஆனால், ஒரு உறவில் நீ தொடர்ந்து: விளக்கம் சொல்ல வேண்டும் உன் நல்ல தன்மையை நிரூபிக்க வேண்டும் தவறு செய்யாத போதும் குற்ற உணர்ச்சியில் இருக்க வேண்டும் என்றால், அந்த உறவு சமத்துவம் இழந்த உறவாக மாறிவிட்டது. நான் நல்லவன்” என்று நிரூபிக்க வேண்டிய நிலை எப்போது வருகிறது? இந்த நிலை பெரும்பாலும் நம்மை புரிந்து கொள்ள விரும்பாதவர்கள் அருகில் அதிகார உணர்வுடன் நடந்துகொள்ளும் நபர்கள் அருகில் நம் எல்லைகளை மதிக்காத உறவுகளில் உருவாகிறது. அங்கே, நீ மனிதனாக இல்லை; நீ சந்தேகி...

அறியாமை என்பது தன்னிச்சையாக உருவாகும் ஒன்றல்ல. அது திட்டமிட்டு உருவாக்கப்பட்டும், பாதுகாக்கப்பட்டும் வரும் ஒரு இருள்.  மக்கள் சிந்திக்காமல் இருக்க, கேள்வி கேட்காமல் இருக்க, உண்மையை உணராமல் இருக்க—இந்த இருள் அவசியமாகிறது.  அதிகாரமும் ஆதிக்கமும் நிலைத்திருக்க வேண்டுமென்றால், மக்களின் அறிவு மங்கியிருக்க வேண்டும் என்பதே அதன் அடிப்படை அரசியல். அந்த இருளில் கிடப்பவர்களை வெளிச்சத்திற்குக் கொண்டு வருவது எளிதான பணியல்ல. அது வசதியான அரசியலும் அல்ல. எதிர்ப்புகளும், அவதூறுகளும், தனிமைப்படுத்தல்களும் அந்தப் பாதையில் தவிர்க்க முடியாதவை. ஆனாலும், எத்தகைய இடர்கள் வந்தாலும் அந்தப் பணியைச் செய்வதே எமது கடமை.  இது தனிநபரின் விருப்பம் அல்ல சமூகத்தின் மீதான பொறுப்பு.  எழுச்சித்தமிழர் வழியே எமது வழி என்பதே அந்த உறுதியின் வெளிப்பாடு. உண்மை என்பது எப்போதும் உண்மைதான். அதை யாராலும் அழிக்க முடியாது. அதிகாரம் உண்மையைப் பார்த்து பயப்படும் ஏனெனில் உண்மை கேள்விகளை எழுப்பும், கணக்குக் கேட்கும், மாற்றத்தைத் தூண்டும். அதனால் தான் உண்மையைத் தற்காலிகமாக பொய்களின் போர்வையில் மூட முயற்சிக்கி...

துரோகிகள் அரசியலில் எதிரிகளை விட ஆபத்தானவர்கள் அரசியலில் எதிரிகள் இருப்பது இயல்பு. அவர்கள் எதிராக நிற்பார்கள், எதிர்த்து பேசுவார்கள், வெளிப்படையாக தாக்குவார்கள். அந்த எதிரியை அடையாளம் காண முடியும்,எதிர்க்கவும் முடியும். ஆனால் துரோகி அப்படியல்ல. துரோகி நம்மோடு இருப்பவன். நம்முடைய மொழியைப் பேசுவான். நம்முடைய கொடியைச் சுமப்பான். நம்முடைய மேடைகளில் நின்று முழங்குவான். ஆனால் அதே நேரத்தில், நம்மையே நம்முடைய ஆயுதங்களால் குத்துவான். இதனால் தான் அரசியல் வரலாற்றில் எதிரிகளை விட துரோகிகள் பல மடங்கு ஆபத்தானவர்கள். பணம்  துரோகியின் முதல் விசுவாசம் துரோகியின் அரசியல் விசுவாசம் கொள்கையிடம் அல்ல,மக்களிடம் அல்ல. அது பணத்திடம் மட்டுமே. பணம் கிடைக்கும் என்றால் அவன் நேற்று சொன்ன கருத்தை இன்று மறுப்பான். இன்று உயிரென பேசிய கொள்கையை நாளை “நடைமுறைக்கு ஒத்துவராதது” என்று சொல்வான். பணம் வந்த பிறகு, போராட்டம் அவனுக்குச் சுமையாகத் தோன்றும். தியாகம் முட்டாள்தனமாகத் தெரியும். நேர்மை அரசியலுக்கு உதவாத “பழக்கம்” என்று தோன்றும். அப்படித்தான் பணம் துரோகியை உருவாக்குவதில்லை அவனுக்குள் இருந்த துரோகத்தை வ...