தமிழர் திருநாளா.?திராவிட திருநாளா...?

ஒருவரின் முகநூல் பதிவைப் பார்த்தபோது மாபெரும் அதிர்ச்சியடைந்தேன்.

#தமிழர்_திருநாள்_பொங்கல் #வாழ்த்துக்கள்” என்று சொல்ல வேண்டிய இடத்தில்,

#திராவிட_திருநாள்”, #திராவிட #பொங்கல்_வாழ்த்துக்கள்” என்று பதிவு செய்திருந்தார்.

இன்னும் என்னென்னத்தை களவாடப் போகிறார்கள் என்பது தெரியவில்லை.

ஆனால் இது மிகப் பெரிய ஆபத்து என்பதைக் கண்டிப்பாக உணர முடிகிறது.

உங்களுக்கு இது எப்படித் தோன்றுகிறது என்பது தெரியாது

ஆனால் எனக்கு இது சாதாரண தவறாக இல்லை— இன அழிப்பு , அடையாள அழிப்பு முயற்சியாகவே தெரிகிறது.

இனம் வேறு, அமைப்பு வேறு

ஒரு அமைப்பிற்கான, இயக்கத்திற்கான ,கட்சிக்கான பெயரை

ஒரு இனத்தின் பெயராக மாற்றிப் பேசுவது

அடிப்படையிலேயே தவறானது.

ஒவ்வொருவரும்

தங்கள் கட்சிக்கு,

இயக்கத்திற்கு,

கழகத்திற்கு

விரும்பிய பெயரை வைத்துக்கொள்ளலாம்.

அதில் எந்தத் தடையும் இல்லை.

ஆனால்,

 அந்தப் பெயரையே ஒரு இனத்தின் பெயராக மாற்றுவது

பல ஆயிரம் ஆண்டுகளான வரலாற்று அடையாளத்தை மாற்ற முயல்வது

 தமிழ் என்கிற இனப் பெயரை மங்கச் செய்வது

இவை அனைத்தும் மிகக் கொடுமையான செயல்.

“தமிழ்” என்பது

ஒரு கட்சி பெயர் அல்ல

ஒரு இயக்கப் பெயர் அல்ல

ஒரு தேர்தல் முழக்கம் அல்ல

       தமிழர்  என்பது இனம்.

       தமிழ் என்பது மொழி.

       தமிழர்  என்பது பண்பாடு, மரபு, வரலாறு.

இதை புரிந்துகொள்ளாமல்,

எது இனத்தின் பெயர்,

எது அமைப்பின் பெயர்

என்பதே தெரியாமல்

குழம்பி நிற்பதே இன்றைய மிகப் பெரிய பிரச்சினை.

#அடையாளக்_களவாடல் 

#கவனிக்க_வேண்டிய_தருணம்

பொங்கல் என்பது

தமிழர் திருநாள்

உழைப்பின், நிலத்தின், சூரியனின் திருவிழா

அரசியல் சாயம் பூச வேண்டிய பொருள் அல்ல

இன அடையாளங்களை மெதுவாக மாற்றுவது,

பெயர்களை திருத்துவது போலத் தோன்றினாலும்,

அதன் விளைவு தலைமுறை முழுவதும் தாக்கும்.

மிகத் தெளிவான நிலைப்பாடு அவசியம்

இனத்தின் பெயர் - தமிழர்

மொழியின் பெயர் - தமிழ்

திருநாள் - தமிழர் திருநாள் (பொங்கல்)

இதில் குழப்பமும், கலப்பும், அரசியலாக்கமும்

எதிர்காலத்திற்கு நல்லதல்ல.

அடையாளம் அழிந்தால், இனம் மங்கும்.

அதற்கு நாம் அனுமதி கொடுக்கக் கூடாது.

வரலாற்று அடிப்படையில் அறிவியல் அடிப்படையில் இல்லாத ஒரு பெயரை புராணத்தின் அடிப்படையில் அழைக்கப்படும் பெயர்களை தனக்கானதாக கொண்டாடுகின்ற அடிமை மனநிலையை உடைக்காத வரை இங்கு  எதுவும் மாறவே மாறாது.